معتقداتك هي الأفكار والقناعات اللي انت مؤمن بيها و شايفها صح وده خطر لأنك ممكن تكون فاكر إنها صح لكن في الحقيقة ممكن تكون غلط. وده بيخليك دايمًا في دايرة مغلقة تاخد قرارات غلط وتضيع وقتك وطاقتك في حاجات مش مفيدة وتفضل تسأل نفسك: إيه اللي غلط؟ ليه دايمًا بيحصلي كده؟ ليه بشوف الحزن أو الفشل أو الناس السامة في حياتي؟

ببساطة لأنك سبت نفسك للمعتقدات دي من غير ما توقف وتراجعها مفيش مرة فكرت إذا كانت المعتقدات دي بتفيدك ولا بتضرك؟ يعني مثلًا لو أنت مقتنع إن المال هو أصل الشرور وإنه بيسبب الخلافات بين الناس بتفتكر ده هيساعدك تجذب المال لحياتك؟!

ولو عندك اعتقاد إن مفيش أصحاب بجد في الوقت ده تفتكر ده هيسمح ليك تجذب ناس حقيقية تساعدك في حياتك؟

ولو انت شايف إنك مش هتقدر تنجح، فممكن جدًا إنك فعلاً مش هتنجح

سيدنا علي بن أبي طالب قال: “كل متوقع آت”، يعني كل حاجة هتحصل زي ما انت متوقعها.

الخبر الحلو هو إن دلوقتي في تقنيات وأساليب قوية تقدر تساعدك تفرز المعتقدات السلبية اللي بتقيدك وتتعلم تحط مكانها معتقدات إيجابية تدعمك وتساعدك توصل لأهدافك وأحلامك بمتعة وسعادة حقيقية.

وخليك دايمًا فاكر إن أحلى يوم في حياتك لسه مجاش واعتبر النهاردة بداية جديدة وأول يوم في حياتك الجديدة